पहलमानपुर ३० भदौ ÷ कैलाली जिल्ला प्रशासन कार्यालयको आयोजनामा कैलाली जिल्ला भरीका सरोकारवाला निकायको उपस्थितिमा जेन जी आन्दोलनको समिक्षा गरिएको छ । कैलाली जिल्ला प्रशासन कार्यालय लगायतका अन्य कार्यालयले सेवा प्रवाहा कसरी गर्ने भन्ने बारेमा समेत छलफल गरिएको थियो ।

जिल्ला प्रशासनले सरोकारवालाहरूसँग गरेको भेलामा जिल्लाको तत्कालीन वस्तुस्थितिको जानकारी गराइएको थियो। जिल्ला प्रशासन कार्यालयमा भदौ २४ गतेको आन्दोलनमा आगजनी गरिएकाले पूर्णरूपमा सेवा प्रवाह गर्न केही समय लाग्ने बताएको छ।

जिल्ला प्रशासन कार्यालयका प्रशासकीय अधिकृत शिवराज जोशीले अत्ति आवश्यक भए सर्वसाधारणलाई राहदानी र राष्ट्रिय परिचयपत्र सम्बन्धी सेवा लिन भने समस्या नहुने बताए।

जिल्ला प्रशासन कार्यालयले जिल्लामा भएको क्षतिको पूर्ण विवरण आउन बाँकी रहेको बताएको छ।