२४ भाद्र,पहलमानपुर । कैलालीको घोडाघोडी नगरपालिका–१ सुखडमा रहेको घोडाघोडी अस्पतालले जेनजी आन्दोलनका क्रममा घाइते भएकाको निःशुल्क उपचार गर्ने भएको छ ।

घोडाघोडी अस्पतालले आज एक विज्ञप्ति जारी गरी सुदूरपश्चिमका विभिन्न स्थानका हिजो देखी जेनजीहरुले गरेको प्रदर्शनका क्रममा घाइते भएका सबै पक्षका व्यक्तिहरूको निःशुल्क उपचार गर्ने जानकारी दिएको हो ।

सामाजिक उत्तरदायित्व अन्तरगत निःशुल्क उपचार गर्ने व्यवस्था गरीएको घोडाघोडी अस्पतालले जनाएको छ ।  अस्पतालले आन्दोलनका क्रममा जीवन गुमाएकाप्रति हार्दिक श्रद्धाञ्जली अर्पण गर्दे घाइतेको शीघ्र स्वास्थ्य लाभको कामना समेत गरेको छ ।  उक्त आन्दोलनमा परेर १९ जनाले ज्यान गुमाएका छन् भने सयौँ व्यक्ति घाइते भएका छन् ।