वडा प्रोफाईल निर्माणका लागि तथ्यांक संकलन अभिमुखिकरण कार्यक्रम थापापुरमा सम्पन्न भएको छ ।जिल्लाको भजनी नगरपालिका वडा नं.६ थापापुरमा वडा प्रोफाईल निर्माणका लागि तथ्यांक संकलन अभिमुखिकरण कार्यक्रम थापापुरमा सोमवार सम्पन्न भएको छ ।

भजनी नगरपालिका वडा नं.६ को आर्थिक वर्ष २०८०÷०८१ म स्विकृत वार्षिक कार्यक्रम अन्तरगत भजनी नगरपालिका वडा नं. ६ ले आफ्नो वडाको विस्तृत विवरण संकलन गरि भौतिक, सामाजिक, आर्थिक, जनसंख्याको अवस्था लगायतको तथ्यपुर विवरण प्रवृस्त गर्ने सोचको आधारमा नगरपालिकामा पहिलो वडाको रुपमा वडा प्रोफाईल बनाउन लागेको हो ।

वडा प्रोफाईल निर्माणका लागि तथ्यांक संकलनहरुलाई सोमवार १ दिने दाता संकलकहरुलाई अभिमुखिकरण गरेको छ । दाता संकलन पश्चात तुरुन्तै वडाको प्रोफाईल निर्माण गरिने भजनी नगरपालिका ६ नं. वडा का अध्यक्ष राम सागर चौधरीले बताउनु भएको छ । वडाको प्रोफाईल बिकास निर्माण गर्न अति जरुरी विषय भएको महसुश गर्दै भजनी नगरपालिकामै वडामा पहिलो पटक बनाउन लागेको अध्यक्ष चौधरीले जानकारी दिनु भएको छ ।

वडा प्रोफाईल निर्माण गर्नका लागि वडा भित्रका प्रत्येक गाउँ तथा टोलवाट २÷२ जना दाता संकलनकर्ताहरुलाई अभिमुखिकरण गरि दाता संकलन कार्यमा खटाई सकिएको अध्यक्ष चौधरीले बताउनु भएको छ वडाको प्रोफाईल निर्माण कार्यमा १२ जना दाता संकलकहरुलाई जिम्मा दिइएको वडा सचिव देवेन्द्र कुमार चौधरीले जानकारी दिनु भएको छ ।

भजनी नगरपालिका वडा नं. ६ को आर्थिक एवं प्राविधिक सहयोगमा घोडाघोडी मल्टिप्रपोज रिर्सच सेन्टरको परामर्शमा वडा प्रोफाईल निर्माण कार्य हुन लागेको हो भने उक्त कार्यमा विवश चौधरीले सहजीकरण गर्नु भएको थियो ।

भजनी नगरपालिका वडा नं.६ का वडा अध्यक्ष राम सागर चौधरीको अध्यक्षतामा भएको कार्यक्रममा वडा सदस्य टिका राम चौधरी, श्याम लाल चौधरी र महिला वडा सदस्य एवं कार्यपालिका सदस्य शान्ती चौधरी लगायतको उपस्थिती रहेको थियो ।