नेकपा एमालेका अध्यक्ष केपी शर्मा ओलीले अहिलेको सरकार जनताप्रति उत्तरदायी नभएको धारणा राखेका हुन् । नेकपा एमालेको नवौँ कैलाली जिल्ला अधिवेशन सुखडमा उद्घाटन गर्दै अध्यक्ष ओलीले जता ततै भष्टचार र अनियमितता मौलाएको उनले बताएका छन् ।

प्रचण्ड नेतृत्वको सरकारलाई निकम्माको संज्ञा दिएका ओलीले बलियाका पक्षमा मात्र काम गरिरहेको आरोप लगाएका हुन् ।धनुषा की आरती साह लाई न्याय दिन नसकेको उनको भनाई छ । एउटी महिलाले न्याय माग्दा उल्टै लछार पछार गर्ने गरेको उनको आरोप रहेको थियो ।

क्विन्टलका क्विन्टल सुन आएको देख्दा पनि यो सरकारले कारबाही गर्न नसकेको अध्यक्ष केपी शर्मा ओलीको भनाई छ । ओलीले सुन तस्करीमा संलग्नलाई कारबाही गर्न खोज्दा आफ्नै मान्छे भेटेपछि छाडिदिने गरेको आरोप समेत लगाए । राष्ट्रियता, स्वाधीनता र स्वतन्त्रता कमजोर भए पनि प्रधानमन्त्रीले बेवास्ता गरेको भन्दै उनले देशमा सुशासन नै नभएको उल्लेख गरे ।

प्रधानमन्त्रीले बिना काम एक वर्ष बिताएको भन्दै ओलीले भाषणमा सच्चिन्छु भन्ने तर सच्चिने कहिले हो भनेर प्रश्न गरेका थिए । आफ्नो कार्यकालमा गरेका कामहरू अहिलेको सरकारले निरन्तरता नदिएको, वैदेशिक रोजगारीमा जाने युवालाई रोक्न नसकिएको उनले बताए ।

नेकपा एमालेको नवौँ कैलाली जिल्ला अधिवेशनमा सुदूरपश्चिम प्रदेश इन्चार्ज छविलाल विश्वकर्मा,कर्णाली प्रदेश इन्चार्ज लेखराज भट्ट, पोलिटब्युरो सदस्य कर्ण थापा,स्थाईकमिटि सदस्य नारदमुनि राना लगायत विभिन्न नेतागणहरूले शुभकामना मन्तव्य राखेका थिए ।