अन्तर मनको आवाज रेडियो मनको मझेरी ९१ मेगाहर्ज

जोशीपुर गाउँपालिका वडा नम्बर ६ का वडा अध्यक्ष नत्थु प्रसाद डगौराले विकास निर्माणका हरेक सवालमा सबैसंग साझेदारी गरि अगाडि बढेको भनाई

जोशीपुर गाउँपालिका वडा नम्बर ६ का वडा अध्यक्ष नत्थु प्रसाद डगौराले विकास निर्माणका हरेक सवालमा सबैसंग साझेदारी गरि अगाडि बढेको भनाई

कैलालीको जोशीपुर गाउँपालिका वडा नम्बर ६ का वडा अध्यक्ष नत्थु प्रसाद डगौराले विकास निर्माणका हरेक सवालमा सबैसंग साझेदारी गरि अगाडि बढिरहेको बताउनु भएको छ । उहाँले विकास निर्माणका हरेक सवालमा वडाबासीको समान सहभागिताको विकल्प नभएको बताउनुभयो ।

आफु जनताको प्रतिनिधि भएको हुँदा वडाको समग्र विकास निर्माणको कार्यलाई मुर्तरुप दिन सवै वडाबासीको साथ र सहयोग आवश्यक रहेको डगौराले बताउनुभयो । आफुले वडाको जिम्मेवारी सम्हाल्दै आएको करिव पाँच वर्षको अवधिमा कसैलाई पनि काखापाखा नगरी सवैलाई समेटेर अगाडि बढेको दावि गर्नुभयो । निर्वाचित भयर यहाँसम्म आइपुग्दा वडाबासीको लागि के कति काम गर्नुभयो रु भन्ने प्रश्नमा उहाँले वडा नम्बर ६ अहिले विकासको चरणमा रहेको बताउनुभयो ।

उहाँले हालसम्म वडामा ४ सय मिटर बढी सडक पिच गरिएको, वडा नम्बर ७ को सीमादेखि वडा नम्बर ६ को रिङरोड पिचको तयारी भएको र यसैसाल त्यो पुराहुने बताउनुभयो । यसैगरी घैलानालामा पक्की पुल,
भगतपुर लोखरीसम्मको डेढ किलोमीटर सडक पिचको तयारी अबस्थामा रहेको बताउनुभयो । वडा अध्यक्ष डगौराले प्रदेश सरकारको सहयोगमा राष्ट्रिय निमावी सीमरीको चर्पीसहित तीन कोठे पक्की भवन ,राम जानकी प्राविको दुईकोठे भवन ,लोकरी स्कुलमा दुई तले भवन तथा राष्ट्रिय माविमा प्रखाल बनाइएको बताउनुभयो ।

उहाँले कृषिमा वडाको तर्फबाट ६ वटासहित ३५ बोरिङ हालिएको ,दुईटा डीप बोरिङ र लोखरीमा यो साल खानेपानीको पाइपलाइन सहित डीप बोरिङ हालिने बताउनुभयो । यसैबीच एउटा् सामुदायिक भवन र एक प्राथमिक स्वास्थ्य इकाइको भवन पनि आफ्नै पालामा निर्माण गरिएको उहाँले बताउनुभयो । यसैगरी महादेवामा वडाबाटै सामुदायिक भवन ,पतरियामा प्रदेश सरकारको सहयोगमा दुई कोठे सामुदायिक भवन र सीम्रीमा बडी केदारनाथको भवन बनाइएको बताउनुभयो ।

वडा अध्यक्ष चौधरीले यो सालदेखि नै सबै ठाउँमा ग्राबेल बाटो पुर्याउने, वडाको भवन निर्माणको लागि तयारी रहेको र जसको डीपीआरको काम सकिएको समेत बताउनुभयो । यसैगरी उहाँले वडाका जेष्ठ नागरिक ,दलित विपन्न बर्ग र सामाजिक सुरक्षा भत्ता बुझ्ने सवैलाई न्यानो लुगा, टर्च र झुल बाडिने, स्कुलमा आउने साना बालबालिकालाई खेलकुदका सामान वितरण गरिने बताउनुभयो ।

नेपालीको महान् चाड बडादसैँ शुरू, आज घटस्थापना
आश्विन २१, १७:३४
जिविका कृषी सहकारी संस्थाको पाँचौ साधरण सभा कैलालीको पहलमानपुरमा विहिवार सम्पन्न ।
आश्विन २१, १७:३४