अन्तर मनको आवाज रेडियो मनको मझेरी ९१ मेगाहर्ज

कैलारीमे नेपाली काँग्रेस विजयी, माओवादी क्लीन स्वीप

कैलारीमे नेपाली काँग्रेस विजयी, माओवादी क्लीन स्वीप

कैलालीके कैलारी गाउँपालिकामे नेपाली काँग्रेसके राजसमझ चौधरी गाउँपालिका अध्यक्ष पदमे भारी मतसे विजयी हुइल बटै । गाउँपालिका उपाध्यक्ष पदमेफे नेपाली काँग्रेसके भगवतीकुमारी चौधरी अपन प्रतिद्वन्दीहे भारी मतसे हरैले बटी ।

अध्यक्ष पदमे निर्वाचित राजसमझ चौधरी १० हजार ४९२ मत प्राप्त करके विजयी हुइलै कलेसे नेकपा माओवादी केन्द्रके लाजुराम चौधरी ६ हजार ४३० मत प्राप्त करलै । निवर्तमान गाउँपालिका समेट रहल उहाँहे ४ हजार ६२ मतसे पराजित हुइल बटै ।

ओस्टेक उपाध्यक्ष पदमे नेपाली काँग्रेसके भगवतीकुमारी चौधरी १० हजार ४ सय ८४ मत पाके विजयी हुइल बटी कलेसे हुकान निकटम प्रतिस्पर्धी माओवादी केन्द्रके लक्ष्मी सत्गौवाथारु ६ हजार ४७७ मत पैली । उहाँ ४ हजार ७ मतसे पराजित हुइल बटी ।

कैलारी गाउँपालिकाके वडा नम्बर १ से ९ वडा काँग्रेसके पुरे प्यानल बहुमतसे विजयी हुइल बा कलेसे अप्खी चुनावमे कैलारी गाउँपालिकामे माओवादी केन्द्र क्लीन स्वीप हुइल बा ।

वडा नम्बर १ मे धोजहरिपाल बोहरा, वडा नम्बर २ मे विकास चौधरी, वडा नम्बर ३ मे सन्तराम चौधरी, वडा नम्बर ४ मे ठागुराम चौधरी, वडा नम्बर ५ मे विष्णु प्रसाद चौधरी, वडा नम्बर ६ मे प्रेमबहादुर चौधरी, वडा नम्बर ७ मे दिपेन्द्रबहादुर बम, वडा नम्बर ८ मे तारामल कठरिया ओ वडा नम्बर ९ मे खेमराम चौधरीसहिट उहाँहुकनके पुरा प्यानल वडा सदस्य, महिला सदस्य, खुला सदस्य, दलित महिला सदस्य विजयी हुइल बटै ।TweetShare

कैलालीको जोशीपुरमा काँग्रेसको किल्ला तोडेर रेशमको पाटी विजयी
जेष्ठ ५, ११:१९
धनगढीमा हमाल र वडबीच ८ हजार मतको अन्तर
जेष्ठ ५, ११:१९