अन्तर मनको आवाज रेडियो मनको मझेरी ९१ मेगाहर्ज

कैलालीमा चैते धान खेती शुरु उत्पादन राम्रो हुने भए पछि किसानको आकर्षण बढदै

कैलालीमा चैते धान खेती शुरु उत्पादन राम्रो हुने भए पछि   किसानको आकर्षण बढदै

सुदूरपश्चिम प्रदेशको कैलाली जिल्ला प्रदेशकै सबैभन्दा बढी धान उत्पादन हुने जिल्ला हो । पछिल्ला केहीबर्ष यता चैते धान खेतीतर्फ किसानको आकर्षण बढ्दै गएको छ । कृषि ज्ञान केन्द्र कैलालीका अनुसार कैलालीमा एक हजारबढी हेक्टर क्षेत्रफलमा चैते धानको खेतीहुने गरेकोमा पाँचहजार मेट्रिकटन बढि धान उत्पादन हुदैआएको छ ।गतभदौ, असोजमा आएको वेमौसमी वर्षाका कारण किसानले लगाएको अधिकांश धानबाली नष्ट ग¥यो ।

धेरै किसानले वर्षे धानभित्र्याउन पाएनन । वर्षाबाट डराएका किसानहरु विस्तारै चैते धानतिर लागेका छन् । रोगको समस्यापनि कम हुने, बाढीबाट पनि बचिने र उत्पादन धेरै हुने भएकाले चैते धान प्रति किसानहरुको आकर्षण बढेको हो ।यतिबेला कैलालीको भजनी क्षेत्रका किसानहरुलाई चैते धान रोपाईको चटारो छ । कैलालीको पूर्वीदक्षिणमा पर्ने भजनी क्षेत्रमा चैते धानको उत्पादन बढीहुने गरेको छ । डुबानको समस्याबाट पनि जोगिने भएका कारण किसानहरु चैते धानतिर आकर्षित बन्दै गएको हो ।

“चैतमा लगाएको धान अषाढमा पाक्छ । अषाढमा पुनः यहाँका किसानले बर्षेधान रोप्ने गरेकाछन् । वर्षेनी तीनबाली फलाउने, यहाँका किसानले जिल्लाको कुलधान रोपाइँहुने क्षेत्रफलमध्ये एक हजार बढी हेक्टर क्षेत्रफलमा चैते धानको खेतीगर्ने गरेका छन् । उत्पादन राम्रो हुने, मूल्यपनि राम्रो पाइने भएकाले यहाँका किसानले चैते धान लगाउने गरेको भजनीका किसान कृष्णगोपाल चौधरी बताउन्छन् ।”

पेट्रोलको मूल्य घट्यो, इन्डियन आयल कर्पोरेसन (आईओसी)ले नेपाल आयल निगमलाई पेट्रोलियम पदार्थको नयाँ मूल्यसूची पठायो
चैत्र १९, ०७:५९
सुदूरपश्चिममा बढ्यो चुनावी सरगर्मी
चैत्र १९, ०७:५९